Styrktartónleikar fyrir Stjörnukisann, listamanninn og öðlinginn Úlf C. Karlsson

Það er Hr. Örlygi ljúft og skylt að koma eftirfarandi tilkynningu á framfæri. Umræddir tónleikar eru ekki aðeins til styrktar ansi verðugu málefni, heldur eru hljómsveitirnar sem þar koma fram hverri annarri frambærilegri.

 

 Úlfur Chaka Karlsson

 

Fimmtudaginn 6. september næstkomandi verða haldnir tónleikar til
styrktar Úlfi C. Karlssyni tón- og myndlistarmanni sem barist hefur
við hvítblæði undanfarin ár. Úlfur hefur gengist undir fjölda meðferða
og dvalist langdvölum á sjúkrastofnunum og ekki getað aflað tekna að
ráði. Hann er fjölskyldumaður og hafa veikindin sett stórt strik í
efnahag fjölskyldunnar.
Með tónleikunum gefst fólki tækifæri til að leggja sitt af mörkum til
að létta fjölskyldunni lífið í baráttunni. Allir sem koma fram gefa
vinnu sína og tengjast Úlfi vináttu- og kunningjaböndum.

Dagskráin er ekki af verri endanum;

PORNOPOPP

MR. SILLA & MONGOOSE

THE WAY DOWN

BACON

SINGAPORE SLING

REYKJAVÍK!

MÍNUS

Í lokin má búast við HAMskiptum þegar leyninúmer kvöldsins stígur á stokk.

Tónleikarnir verða í IÐNÓ og hefjast hefjast stundvíslega klukkan
20.00, húsið opnar klukkan 19.30.

Aðgangseyrir er 1.500 kr. en fólki er frjálst að borga meira.
Þeir sem vilja geta jafnframt lagt beint inn á reikning:
0101-26-014144 kt. 440304-2570

ALLUR AÐGANGSEYRIR RENNUR ÓSKIPTUR TIL ÚLFS OG FJÖLSKYLDU.


Sjáumst í IÐNÓ á fimmtudagskvöldið.



ENDILEGA ÁFRAMSENDIÐ ÞETTA TIL ALLRA Á PÓSTLISTANUM YKKAR!



Nánari upplýsingar veitir

Bogi Reynisson, gsm. 659 0434

Og eða

Sindri Páll Kjartansson

Vatnsstígur 9

sími: [phone]

[e-mail]

  

Klikkað Kaos í Köln!

Líkt og lesa má um hér að neðan stóð Iceland Airwaves fyrir mikilli útrás um helgina og átti fulltrúa á Public Service hátíðinni í Kaupmannahöfn og einnig á hinni þveng-mögnuðu C/O Pop ráðstefnu í KÖLN (allt auðvitað með dyggum stuðningi Icelandair, að sjálfsögðu). 

Nú hefur fréttaritari destiny.blog.is ekki fengir fregnir af gangi mála í Köben, en var hinsvegar sjálfur á staðnum í Köln og getur vottað fyrir að allir stuð-kvarðar toppuðu og vel það - stuðmælirinn var á RAUÐU allt kvöldið og fór svo að umsjónarmenn hátíðarinnar sáu sig á endanum til neydda að bjóða "der Isländers" að halda stuðinu áfram á reif-klúbbi í nágrenninu, því þeir þurftu sjálfir að fara drífa sig heim að sofa. 

Hljómsveitirnar Seabear, Reykjavík! og Ultra Mega Technóbandið Stefán spiluðu (í þessari röð) fyrir fullan sal þjóðverja og einn landsliðsmann í handbolta (línumanninn stórfenglega RÓBERT GUNNARSSON) og var erfitt að velja milli hver vakti mesta hrifningu og orsakaði mest stuð, þvílíkt var skensið allan þennan tíma. Líter af íslensku brennivíni fór líka vel ofan í áhorfendur, sem og danskeppni, þýskukennsla o.fl. Undir rest, í settinu hjá UMTS leit þetta einhvernvegin svona út:

 

 Að sjálfsögðu stukku allir liðsmenn upp á svið, úr að ofan og áfram með tempóið! 

 Að tónleikunum loknum var fjörinu haldið áfram í baksviðsherberginu okkar, þar sem Sindri og Örn Ingi Seabear-menn fóru á kostum á gítara og úkelele við öflugan bumbuslátt og hópsöng Íslendingafélagsins í Köln. Hinar hátíðirnar á svæðinu öfunduðu okkur svo mikið af stemmningunni að þeir tróðu sér á endanum inn í fjörið.

 ---

Einnig var mikið skens í FestivalZentrale á meðan allri hátíðinni stóð. Þar fóru fulltrúar Mr. Destiny mikinn, buðu upp á brennivín, hákarl, OPAL, Reyka og Harðfisk og spjölluðu við hátíðargesti. Sjálfur hátíðarstjórinn, öðlingurinn hann Ralf, var svo hrifinn af Iceland Airwaves básnum að við áttum í mesta basli með að fá kauða til að fara þegar okkur langaði að loka sjoppunni á laugardaginn.

 Sáum líka fullt af góðum tónleikum, BATTLES voru sennilega hressastir, en MIA var mestu vonbrigðin (enda komumst við hvergi nærri tónleikunum, þvílík var röðin). 

  

Útrás Iceland Airwaves heldur áfram

- Seabear, Reykjavík! og UMTB Stefán leika á c/o POP í Köln - 16. ágúst
- FM Belfast og Hairdoctor spila á Public Service í Kaupmannahöfn - 17. ágúst


Liður í alþjóðlegir kynningu á tónlistarhátíðinni Iceland Airwaves og spennandi íslenskri tónlist, sem ár hvert er rauði þráðurinn í dagskrá hátíðarinnar, er að koma íslenskum flytjendum á framfæri við tónleikahald erlendis. Í ár hefur Airwaves staðið fyrir tónleikum á tónlistarhátíðunum goNorth og Rock Ness í Skotlandi, By:Larm í Noregi og G! Festival í Færeyjum.

Í næstu viku er svo framundan eitt metnaðarfyllsta útrásarverkefni hátíðarinnar til þessa; þátttaka í C/O POP í Köln í Þýskalandi þar sem Seabear, Reykjavík! og Ultra Mega Technobandið Stefán [mynd] stíga á stokk fimmtudaginn 16. ágúst á sérstöku Iceland Airwaves kvöldi. Daginn eftir, 17. ágúst, leika Hairdoctor og FM Belfast á vegum Airwaves á Public Service hátíðinni í Kaupmannahöfn.

Ráðstefnan og tónlistarhátíðin C/O POP er ein sú stærsta sinnar tegundar í Evrópu. Fjöldi blaðamanna og starfsmanna tónlistarbransans sækir hátíðina heim og er því frábær vettvangur til að kynna Iceland Airwaves koma íslenskri tónlist á framfæri. Í kjölfar heimsóknar skipuleggjenda C/O POP á Airwaves í fyrra óskuðu þeir eftir samstarfi við Iceland Airwaves og buðu hátíðinni að vera með í sérstöku "Eruopreise" verkefni, þar sem nokkrum mest spennandi tónlistarhátíðum Evrópu er boðið að vera með svið og kynningu. Meðal annara hátíða sem boðið var að vera með erU Sonar í Barcelona, Phonem í Istanbul og M4Music í Zurich. Meira.

Public Service er ein flottasta og stærsta tónlistarhátíð Norðurlanda á sviði rafrænnar tónlistar (electronic music). Hátíðin er haldin af útvarpstöðinni P3 og danska ríkisútvarpinu, með dyggum stuðningi Kaupmannahafnarborgar. Tilgangurinn með þessum tónleikum Airwaves á Public Service er fyrst og fremst að kynna Iceland Airwaves og íslenska tónlist fyrir Kaupmannahafnarbúum og þeim fjölmörgu Norðurlandabúum sem sækja Public Service. Einnig viljum við með þessu efla tengslin við blaðamenn og fólk úr tónlistarbransanum sem verður á staðnum.

Það er Icelandair sem gerir útrás Iceland Airwaves mögulega með öflugum stuðningi sínum við hátíðina og þá kynningarstarfsemi sem í kringum hana er unnin. Tónlistarsjóður og skrifstofa Ferðamálaráðs í Þýskalandi styður einnig við þessi útrásarverkefni á C/O POP í Köln og Public Service í Kaupmannahöfn. Án mikilvægs stuðnings þessara aðila væri þetta ekki hægt!

Vísanir:
Iceland Airwaves: www.icelandairwaves.com
C/O Pop: www.copop.de/home.4.en.html
Public Service: www.dr.dk/P3/publicservice

Airwaves safn á iTunes

Heyrst hefur...að í vinnslu sé Airwaves safnplata sem sé unnin í samvinnu við Icelandic Music Export. Að hér sé ekki á ferð hin hefðbundna Airwaves safnplata, sem gefin sé út í kringum hátíðina, heldur sérstakt verkefni sem unnið er í samvinnu við iTunes USA og vel tengda plöggara vestanhafs.

Talið er að heill mökkur af óskabörnum ísenskrar tónlsitar-útrásar sé með lög á safninu - m.a. Mugison, múm, Lay Low, Jakobínarína, GusGus og Seabear [mynd].

En þetta eru náttúrulega allt óstaðfestar sögusagnir... 

Eftir vinnu...

...ætlar Hr. Örlygur að hlaupa milli tónleika í bænum eins og honum sé borgað fyrir það! 

Heimatökin eru hæg að kíkja niður í 12 Tóna strax kl. 17, en þá ætla Rrrrrrrrrrreykajvík! og ástralska póstrokkbandið Because of Ghosts að troða upp yfir léttum veitingum. Það eru mjög flott bönd að spila á grillveislu Reykjavík FM á Dillon - og þar er líka bjór og grillmatur. 

Í kvöld er svo nóg að gera... Jan Mayen, Dikta og Lada Sport - allt frábær Airwaves bönd - munu leika fyrir dansi á GrandRokk, en á Organ má sjá fríkfólkarana Vetiver með Þóri o.fl.

HVERNIG Á MAÐUR AÐ VELJA EIGINLEGA??? ALLT AÐ VERÐA VITLAUST HÉRNA!

Reyndar má líka sjá Vetiver á morgun... aldrei að vita nema við kíkjum þá í staðinn.

Góða helgi!

Airwaves spilari á MySpace

MySpace síða Iceland Airwaves er orðin helvíti vígaleg.

Nú er búið að setja þar upp sérstakan hátíðar-spilara sem inniheldur lög frá fjölmörgum listamönnum sem koma fram á hátíðinni, m.a.  Jakobínarína, múm [mynd], Chromeo, of Montreal, Bloc Party, Lali Puna, Singapore Sling, Mugison, !!!, Annuals, Bonde do Role, Deerhoof... 

Ólíkt því sem oft hrjáir spilara og þá tónlist sem hægt er að hlusta á gegnum MySpace renna lögin vel í gegn hér, engin bið - ekkert hökt. Góð upphitun! 

http://www.myspace.com/icelandairwaves

  

Airwaves & VICE Magazine

Líkt og í fyrra mun Vice Magazine tengjast sérstöku kvöldi á Iceland Airwaves 2007 - og verður með veglegar umfjallanir um hátíðina og þá listamenn sem þar koma fram. Hér er heilsíðu Airwaves auglýsing sem birtist í næsta VICE tölublaði. 

 

Franz Ferdinand miðasalan hefst á föstudaginn

Aðeins eru um 550 miðar í boði fyrir tónleika Franz Ferdinand á NASA föstudaginn 14. september.

Miðasalan hefst kl. 10:00 föstudaginn 10. ágúst. Miðaverð eru litlar 2.900 krónur.

Miðalan fer fram í verslunum Skífunnar, BT á landsbyggðinni og á Midi.is (bein vísun).

Airwaves 2007 - Fullt af nýjum böndum

Enn hrannast hljómsveitir og einyrkjar á lista yfir þá sem troða upp á Iceland Airwaves 2007. Hefur ásókn í að spila á hátíðinni aldrei verið meiri en í ár og það endurspeglast í glæsilegri dagskrá, sem enn fer stækkandi.

Í þessu holli bætast rúmlega fjörutíu íslensk atriði og má þar finna ástsæla Airwaves-fastagesti - s.s. Jakobínurínu [á mynd hér frá Airwaves í fyrra], Brain Police og Kimono meðal annarra - í bland við efnilega nýliða (Shogun - sigurvegarar Músíktilrauna 2007, Rafhans 021 o.fl) og allt þar á milli. Einnig bætast við listann erlend eðalbönd á borð við Lali Puna (DE), Ms John Soda (DE), The Duke Spirit (UK) og The Teenagers (UK/FR) – bönd sem sum hver eru lítið þekkt hérlendis, en eiga sammerkt að vera miklar vonarstjörnur tónlistarpressunnar.

The Teenagers og Late of the Pier (UK) koma allar fram á sérstöku kvöldi bresku plötuútgáfunnar Moshi Moshi, en sú hefur staðið fyrir tónleikum á Airwaves undanfarin ár og jafnan kynnt til sögunnar hljómsveitir sem síðar láta mikið fyrir sér. Skemmst er að minnast spilamennsku Klaxons og Tilly and the Wall á þeirra vegum á Airwaves 2006, en einnig hefur fyrirtækið staðið fyrir komu m.a. Hot Chip og Architecture in Helsinki. 

Þýska útgáfan Morr Music er að sama skapi íslenskum tónlistarunnendum að góðu kunn og stendur einnig fyrir kvöldi á Iceland Airwaves í ár. Fyrir utan að gefa út íslensku sveitirnar Seabear og Benna Hemm Hemm (múm hefur einnig verið viðloðandi útgáfuna) náðu Morr-sveitir eins og Lali Puna (DE) og Isan (DE) nokkrum vinsældum hér á landi um árið. Lali Puna munu einmitt leika þar, en einnig koma fram Ms John Soda (DE), Tied & Tickled Trio (DE), Benna Hemm Hemm og Seabear. Þess má geta að Morr kvöldið er haldið í samstarfi við Göethe Institut og er ætlað að stuðla að kynningu á þýskri tónlist á Airwaves, m.a. fyrir þeim aragrúa starfsmanna tónlistarbransans og blaðamanna sem sækja hátíðina heim.

Þau 48 atriði sem nú bætast á dagskrá Iceland Airwaves 2007 eru;
Æla, Atómstöðin, Biogen, Brain Police, Cocktail Vomit, Dimma, Drep, Dýrðin, Ég, Envy of Nona, Fabúla, Foals (UK), Foreign Monkeys, Future Future, Hafdís Huld, Hellvar, Hoffman, I Adapt, Jakobínarína , Kalli, Kenya, Kimono, Lali Puna (DE), Late of the Pier (UK), Ms John Soda (DE), Múgsefjun,, Nilfisk, Noise, Perfect Disorder, Póetrix, President Bongo (DJ set), Rafhans 021, Royal Fortune, Shogun, Single Drop, Sólstafir, The Duke Spirit (UK), The Music Zoo, The Teenagers (UK/FR), The Telepathetics, The Viking Giant Show, Thundercats, Tied & Tickled Trio (DE), Toggi, Úlpa, Védís, VilHelm og Weapons.

Enn fleiri listamenn munu bætast við dagskrá Iceland Airwaves 2007 á næstu misserum.


Miðasala
Icelandair hafa þegar hafið sölu á pakkaferðum á Iceland Airwaves 2007 á alþjóðlegum vettvangi og hefur hún farið vel af stað, en slíkar innihalda flug og miða á hátíðina auk gistingu. Fyrirkomulag á miðasölu hérlendis verður með svipuðum hætti og á fyrri hátíðum, en um hana verður tilkynnt síðar.

Vefsíða
www.icelandairwaves.com

Eftir vinnu....

Ætlar Hr. Örlygur...

að sjá Nico Muhly í 12 tónum kl. 17:00

Fara í Sumarpartý Grapevine á Hressó (byrjar 18:00) og ná B.Sig, Hjaltalín og hinum ógurlega DJ Terrordisco (hvenær fáum við að sjá kauða live??).

Klukkan 19:00 byrjar síðan grillveisla ReykjavikFM á Dillon þar sem Jan Mayen, Grasrætur og Foreign Monkeys koma fram. Endum kvöldið Grand rokk með Lokbrá, Vicky Pollard og Wulfgang.

En fyrst að vinna nóg. Komnir langt með að fara yfir allar þær umsóknir sem bárust (samtals hátt í 300 stykki). Mikið af mjög góðu og spennandi dóti. Stefnum á að tilkynna fleiri bönd (innlend og erlend) á Airwaves prógrammið í næstu viku.

 

PS Minnum síðan á I Adapt og Morðingjarnir og PRF (Punk Rock Faggots frá Ameríkunni) á Kaffi Hljómalind annað kvöld kl. 19:00.